Logo Xerais

Ficha libro

Dragal IV

A estirpe do dragón

Elena Gallego Abad (Autor/a)

INFANTIL E XUVENIL>FÓRA DE XOGO E-book

Coma o anxo expulsado do paraíso, Hadrián loita por recobrar os poderes perdidos na cripta de Dragal. A aparición de pequenas escamas é só o principio da mutación que experimentan os membros da Fraternidade. Refachos de telepatía en Iria, visións do pasado en Cortiñas... Mais ninguén sabe que garda Mónica no seu ventre. Desaparecido don Xurxo, chega un novo párroco, don Miguel, cuxa misión será impedir o regreso dunha estirpe maldita capaz de destruír o mundo. Nas páxinas do Codex Dragalianus, gardado na reitoral, accede aos segredos da Fraternidade. Todo está recollido no manuscrito máxico. Na noite do solsticio de verán os cabaleiros do dragón poderían apropiarse das forzas sobrenaturais do universo e abrir as portas da maxia. Ademais, o derrubamento parcial da igrexa de San Pedro descobre un pasadizo secreto, onde os dragalianos atopan un misterioso libro. Que relación ten este descubrimento coa fórmula maxistral que experimenta Cortiñas no seu laboratorio? Só se consegue destilar o sangue do dragón, a súa estirpe retornará á terra prometida. Dragal IV, A estirpe do dragón abre unha nova xeira na apaixonante serie protagonizada polo dragón galego.

Descargas

Valoracións

  • *
  • *
  • *
  • *
  • *
  • Valora
  • -
  • -
  • -
  • -
  • -
  • (0 valoracións)
Valoarción grabada correctamente. Actualice para ver resultados.
Error inesperado al grabar valoración. Inténtelo de nuevo más tarde.