Juan Luis Blanco Valdés (1960) é editor na Universidade de Santiago de Compostela e profesor do Departamento de Lingua española da UNED en Pontevedra. Ten publicado colaboracións en prensa, artigos e recensións de lingüística, literatura e lexicografía e traducido varios libros e textos á lingua galega. É autor, ademais de poesía dispersa, dos poemarios ''Os signos, as mudanzas'' (2000) e ''Ruínas'' (2002).Na vertente editorial é autor de diversos traballos e artigos entre os que salientan ''Léxico editorial castelán-galego''; ''Las editoriales universitarias españolas en Web. Reflexiones y perspectivas''; ''Sobre a nova alquimia. Unha reflexión acerca das novas tecnoloxías da cultura''; ''Revistas científicas y calidad editorial. El caso de la Universidad de Santiago''; ''Gestión editorial en el entorno universitario''; ''Penas y glorias del editor universitario''. Ten impartido conferencias e cursos sobre lectura, edición e ortografías editoriais especializadas e foi secretario, coordinador e profesor do Máster en Edición da Universidade de Santiago de Compostela (2004-2007/ 2006-08/ 2007-09).Mantén o blog de temas relacionados coa edición e a cultura Fragmentos da Galaxia ( www.fragmentosgutenberg.blogspot.com ).