Logo Xerais

Info autor/a

Constela, Xesús

(enviar correo)

Xesús Constela (Ferrol, 1963) vive en Poio e deuse a coñecer ao gañar o Premio Torrente Ballester con As humanas proporcións (2004), colección de relatos galardoada tamén co premio da Asociación Española de Críticos Literarios. En 2007 publica a novela Libro das alquimias (2007). En 2008 gañou o Premio Manuel García Barros con Shakespeare destilado (2008), un monólogo humorístico sobre o proceso creativo que pon en dúbida a ficción tradicional e xoga coa tradición literaria de William Shakespeare.Na novela 15.724 (Xerais, 2012), que obtivo un grande éxito de crítica, presenta un xogo de voces narradoras que obrigan a reflexionar acerca de asuntos como a fronteira entre a cordura e a tolemia, a submisión ao poder ou a aplicación da pena de morte. En 2014 publicou Apoteose das perchas (2014), unha novela breve en clave de sátira, e agora publica A rotura das paisaxes (Xerais, 2016).No ano 2015 participou con cadanseus relatos nos libros colectivos Pontevedra, laranxeiras e limoeiros (2015) e Plug and Play, primeira antoloxía galega de ciencia ficción erótica (2015). Co título de Como se fixo o primeiro alfabeto (2008), traduciu e adaptou dous contos de Rudyard Kipling.Foi colaborador habitual do suplemento Nordesía do Diario de Ferrol entre os anos 2004 e 2009 e ten numerosos artigos publicados en xornais e revistas.

As súas obras como autor/a