Antonio Díaz Ageitos (Ribeira, 1975). Neto de Maruxa a do xulgado. Licenciado en Xornalismo pola Universidade de Santiago, traballa nos Servizos Informativos da Televisión de Galicia, onde entrou de bolseiro en 1996. Dirixe dende o ano 2001 o programa A Revista Fin de Semana, con pausa entre 2002 e 2004 para ser correspondente en Nova York. Le cómics por riba das súas posibilidades, non toma o nome de Springsteen en van e vaille levar máis tempo rematar o Zelda que escribir este o seu primeiro libro.