Logo Xerais

Info autor/a

Reigosa, Antonio

(enviar correo)

Antonio Reigosa (Zoñán, Mondoñedo 1958) é escritor, investigador e divulgador da nosa cultura popular. Traballa como guía no Museo Provincial de Lugo. Cofundador de Chaira, grupo de Investigación Etnográfica, ten participado en proxectos de investigación sobre literatura oral. Tamén é coautor, xunto con Xosé Miranda e Xoán Ramiro Cuba, do “Dicionario dos Seres Míticos Galegos” (Xerais 1998) e dos vinte volumes dos contos da colección Cabalo Buligán (Xerais 1998-2003) recollidos da tradición oral. Así mesmo é coautor dos volumes “Contos colorados. Narracións eróticas da tradición oral galega” (Xerais 2001), “Pequena mitoloxía de Galicia” (Xerais 2001), “Cando os animais falaban” (Xerais 2002), “Arrepíos e outros medos” (Xerais 2004) e “Antoloxía do conto galego de tradición oral” (2002). Xunto coa ilustradora Noemí López, publicou os álbums “Guía ilustrada da Galicia invisible” (2010) e “Trece noites, trece lúas. Libro das marabillas do Nadal” (2011). Como autor de literatura infantil publicou: “Memorias dun raposo” (Xerais 1998), novela, Premio Merlín; “Resalgario” (Xerais 2001), novela, Premio Raíña Lupa de literatura infantil 2000; “O galo avisado e o raposo trampulleiro” (Xerais 2003); “Bacoriño” (Xerais 2004) e “O aprendiz de home do saco” (Xerais 2013). En 2014 preparou a edición de “Galicia Encantada. O país das mil e unha fantasías” e xunto con Antonio García Teijeiro publicou “Lendo lendas, digo versos” (Xerais, 2015).

As súas obras como autor/a