Uxía Pin (Lugo, 1980) é ilustradora e deseñadora gráfica. Como ilustradora desenvolve o seu traballo ilustrando libros de texto e literarios para diversos selos editoriais. Como deseñadora gráfica realiza estampados de carácter máis comercial para o sector téxtil. Combina os dous mundos na súa colección de panos, onde desenvolve un traballo máis artístico. «A abelliña que perdeu as ás» (2023) é o seu primeiro libro ilustrado en Xerais.