Reckless. O fío de ouro

Sinopse

"A nena levantou a man e colleu entre os dedos un fío de ouro, non tan fino coma o dunha araña, senón máis groso, coma de la fiada. Seguiuno cos dedos ata dar co corazón de Fox. -Xa sabía eu -o fío desapareceu en canto baixou a man-. É teu." Cosacos, espías e un tsar que acode ás audiencias acompañado dun oso. Desta vez, a viaxe ao outro lado do espello leva a Jacob e a Fox ao Oriente. Tamén Will regresa ao mundo que lle deu unha pel de xade, seguindo o rastro da Fada Escura para tentar salvar a súa amada Clara. Pero o propósito da viaxe non o van decidir eles. O elfo dos amieiros non esqueceu o pacto que Jacob fixo con el no labirinto do barbazul e vai descubrirlles a Jacob e a Fox máis misterios sobre o mundo que os rodea dos que eles quererían coñecer... O fío de ouro, tan inquebrantable que mesmo as fadas parecen ceder ante o seu poder, guiará os pasos dos personaxes.

Colección

CAMALEÓN
Código

1334528
I.S.B.N.

978-84-9121-182-2
Publicación

06/04/2017
Clasificación IBIC

YFH
Formato

Papel
Páxinas

496
Tamaño

21.5 x 14 cm

Colección
Código
I.S.B.N.
Publicación

01/01/1970
Clasificación IBIC
Formato

Autor/a

Cornelia Funke

Cornelia Funke (Dorsten / Westfalia, Alemaña, 1958) estudou Pedagoxía e Ilustración en Hamburgo. Axiña comezou a traballar como ilustradora de contos infantís para despois centrarse na escrita dirixida a público xuvenil. É autora de máis de cincuenta libros e guións e actualmente vive en Los Angeles (EE.UU.). Cornelia Funke é unha das autoras máis queridas e lidas no mundo. Coñecida como a «Rowling alemá» e elixida pola revista «Times» como unha das cen persoas máis influentes do planeta, xa vendeu máis de 14 millóns de exemplares das súas obras, entre as que destaca a triloxía «Tintenwelt» («Mundo de Tinta»). En Xerais ten publicados os títulos «Reckless. Carne de pedra» (Xerais, 2010), Premio Fervenzas Literarias 2010 ao Mellor Libro Xuvenil-Infantil Traducido ao Galego; «Reckless. Vida nas sombras» (Xerais, 2013); «O espírito do cabaleiro» (Xerais, 2011); o álbum ilustrado «A princesa Sabela» (Xerais, 2011) e a terceira parte da saga do mundo do espello: «Reckless. O fío de ouro» (Xerais, 2017).

Ver ficha