Universo diverso. Unha viaxe pola galaxia LGBTIQA+

Sinopse

Eva Mejuto e Nee Barros guíannos nunha viaxe polas realidades LGTBIQ+ chea de cor, ironía e gana de revolucionar o día a día. Para iso, contan cos luminosos debuxos de Julia Lago e a axuda dun ser que vén doutro planeta e que non entende nada... aínda. Un libro para espertar a curiosidade, que anima a buscar cancións, citas e referentes que cómpre ter preto, pero tamén para falar (sen tabús) de como é amar, ser, sentir ou simplemente vivir máis alá das normas que a sociedade nos impón. Quen dixo que só hai unha maneira de estar no mundo?

Colección

ÁLBUM ILUSTRADO--DIVULGACIÓN E COÑECEMENTO
Código

1351109
I.S.B.N.

978-84-1110-855-3
Publicación

24/09/2026
Clasificación IBIC

YXS
Formato

Papel
Páxinas

40
Tamaño

26 x 21 cm

Colección

ÁLBUM ILUSTRADO--DIVULGACIÓN E COÑECEMENTO
Código

1377771
I.S.B.N.

978-84-1110-871-3
Publicación

24/09/2026
Clasificación IBIC

YXS
Formato

ePub

Autor

Eva Mejuto

Eva Mejuto (Sanxenxo, 1975) estudou Xornalismo na USC e traballou no sector editorial infantil desde 1998 ata 2016, primeiro en Kalandraka e despois en OQO. Actualmente forma parte do proxecto Capicúa de xestión cultural. Foi docente durante dez anos no máster «Libro ilustrado e animación audiovisual» da Universidade de Vigo e fixo a súa tese de doutoramento sobre o realismo social no álbum ilustrado. É autora de diversas adaptacións de contos tradicionais para formato álbum ilustrado, traducidas a máis de dez idiomas. En Xerais ten publicadas as novelas «22 segundos» (2017), «'Memoria do silencio» (2019), «A ladroa da biblioteca de Meirás» (2022), coas cales quedou finalista do Premio Jules Verne de Literatura Xuvenil, así como a novela infantil «O día que choveron gatos» (2023) (obra finalista do Premio Merlín en 2022) e o álbum ilustrado por Víctor Rivas «Dez gatiñas viaxeiras» (2019). Xunto á ilustradora Bea Gregores publicou os álbums «A lavandeira de San Simón» (Xerais, 2020) e «Cando leo» (Xerais, 2022). En 2025 publica, xunto con Lucía Cobo, o álbum«Sei cantar e sei baila» e mais a obra coa que gaña en 2024 o VIII Premio Agustín Fernández Paz pola Igualdade: «Queco e Kik» (Xerais, 2025). É autora do álbum ilustrado «Os fíos de Begoña. Unha biografía de Begoña Caamaño» (Xerais, 2026), con ilustracións de Nuria Díaz. Con Nee Barros e Julia Lago, publica o álbum ilustrado de divulgación «Universo diverso. Unha viaxe pola galaxia LGBTIQA+» (Xerais, 2026).

Ver ficha

Autor

Nee Barros

Nee Barros (2002) é divulgador cultural, escritore e activista LGBTIQA+. Como divulgador, traballa en diversas redes sociais baixo o nome de @neeumatiko. Alí recomenda libros en galego, especialmente aqueles con representación LGBTIQA+. Como activista LGBTIQA+, fai pedagoxía nas redes sociais, en centros de ensino e no seu día a día. Como escritore, publicou a obra de teatro «Identidade», sobre a realidade trans, e a novela «Nom estamos quebrades», que explora a sexualidade e o autismo. Así mesmo, coordinou a antoloxía de relatos LGBTIQA+ «Alguén nos lembrará» (Xerais, 2023), participou noutras publicacións colectivas e é tradutore para o galego dos volumes da serie de BD «Heartstopper», editados por Xerais. En 2026 publica, xunto a Eva Mejuto e Julia Lago, o álbum ilustrado de divulgación «Universo diverso. Unha viaxe pola galaxia LGBTIQA+» (Xerais, 2026).

Ver ficha

Libros de Eva Mejuto

ÁLBUM ILUSTRADO

Os fíos de Begoña

De 9 anos en diante

Queco e Kika

ÁLBUM ILUSTRADO

Sei cantar e sei bailar

Universo diverso. Unha viaxe pola galaxia LGBTIQA+

Sinopse

Eva Mejuto

Nee Barros

Libros de Eva Mejuto

Sobre a colección ÁLBUM ILUSTRADO--DIVULGACIÓN E COÑECEMENTO

Os nosos libros