Autor/a

Xulio Pardellas de Blas

Xulio Pardellas é doutor en Economía e profesor titular do Departamento de Economía Aplicada na Universidade de Vigo. Imparte docencia de Economía Mundial, Europea e de España nos campus de Pontevedra e Vigo. É autor do manual "Economía básica" (Xerais, 2006), ademais de participar nos colectivos "España e Europa: do franquismo ao euro" (Xerais, 2002), e "A Unión Europea" (Xerais, 2003). As súas liñas de investigación principais oriéntanse ao desenvolvemento local e á economía do turismo, ámbitos nos cales ten publicados un gran número de libros, destacando entre os máis recentes nos que ten participado: "Informes da Economía Galega" (Fundación Caixagalicia, 2003, 2004 e 2005), "El impacto del Prestige" (2003), "Segundos Estudios Estratéxicos do Eixo Atlántico" (2005), "La actividad turística española en 2004" (2005). Así mesmo, como director, publicou: "Turismo cultural e ambiental" (2003), "Potencial turístico de territorios periféricos" (2004) e "Turismo religioso: o Camiño de Santiago" (2005). Tamén é presidente da Asociación Galega de Ciencia Rexional (AGCR), vogal da directiva da Asociación de Científicos e Investigadores en Turismo (AECIT) e membro do comité de dirección do Centro de Estudios da Eurorrexión (CEER).