Juan Taboada Hidalgo (Vigo, 1970) é doutor en CC. Físicas pola Universidade de Santiago de Compostela. No seu período de doutoramento especializouse na dinámica do océano e a atmosfera nunha estancia de dous anos na Universidade París VI. Desde o ano 2000 traballa en MeteoGalicia, sendo na actualidade o coordinador da Predición Operativa. Na súa faceta investigadora participou en diferentes proxectos, dirixido teses e traballos de Máster e Grao. Publicou numerosos artigos sobre meteoroloxía, predición estacional, clima e cambio climático, centrándose nos efectos do cambio climático sobre aspectos como a saúde ou o sector primario tanto no mar como en terra. Unha parte significativa do seu traballo dedícase á divulgación, con numerosos artigos na prensa e conferencias e charlas tanto para estudantes como para o público en xeral.