«O infinito nun xunco» é un libro sobre os libros. Os libros e a súa historia, os libros e o seu nacemento, os libros e o seu impacto social. Irene Vallejo condúcenos a través dunha fascinante viaxe pola historia dos libros, ese asombroso artefacto que atravesou o espazo e o tempo.
Partilla este libro
Sinopse
«O infinito nun xunco» é un libro sobre os libros. Os libros e a súa historia, os libros e o seu nacemento, os libros e o seu impacto social. Irene Vallejo condúcenos a través dunha fascinante viaxe pola historia dos libros, ese asombroso artefacto que atravesou o espazo e o tempo. Ao longo de trinta séculos, a fabricación dos libros botou man do fume, da pedra, do barro, dos xuncos, da seda, da pel, das árbores e, finalmente, do plástico. Esta é unha abraiante aventura colectiva protagonizada por miles de persoas que ao longo dos séculos fixeron e protexeron libros: narradoras orais, escribas, iluminadores, tradutoras, vendedores ambulantes, mestras, sabios, espías, rebeldes, monxas, escravos, aventureiras, lectoras e lectores... «O infinito nun xunco» é un libro orixinal, entretido, erudito; unha alfaia literaria que se le coma unha novela. Escrito cunha voz profundamente literaria, que conecta trinta séculos de historia, Irene Vallejo constrúe rutas que se deteñen na Vila dos Papiros, nos pazos de Cleopatra, nas primeiras librarías coñecidas e nos talleres de copia de manuscritos, nas fogueiras dos códices prohibidos, no Gulag, na biblioteca de Saraxevo e no labirinto subterráneo de Óxford en 2000. Son rutas que vencellan os clásicos co trepidante mundo contemporáneo, conectándoos cos debates actuais.
Colección
Ensaio
Código
1383032
I.S.B.N.
978-84-9121-843-2
Publicación
01/04/2021
Clasificación IBIC
DNF
Formato
Papel
Páxinas
480
Tamaño
22.5 x 15.5 cm
Colección
Ensaio
Código
1378629
I.S.B.N.
978-84-9121-858-6
Publicación
01/04/2021
Clasificación IBIC
DNF
Formato
ePub
Autor/a
Irene Vallejo
Irene Vallejo (Zaragoza, 1979) estudou Filoloxía Clásica e obtivo o doutoramento europeo polas universidades de Zaragoza e Florencia. Dende a infancia sentiuse atraída polas lendas de Grecia e Roma e polo luminoso mundo mediterráneo. Na actualidade leva a cabo un intenso labor de divulgación do mundo clásico impartindo conferencias e a través da súa columna semanal nos xornais «Heraldo de Aragón» e «El País». Da súa obra literaria destacan as novelas «La luz sepultada» (2011) e «El silbido del arquero» (2015), a antoloxía periodística «Alguien habló de nosotros» (2017) e os libros infantís «El inventor de viajes» (2014) «La leyenda de las mareas mansas» (2015). Coa edición en castelán de «O infinito nun xunco» (2019) converteuse nun fenómeno de vendas e gañou o Premio Nacional de Ensaio 2020.