Dona Landra no Río Revolto

Autor/a : Alberto Varela Ferreiro
Ilustrador/a : Alberto Varela Ferreiro

Tendas

Sinopse

No río cada ano hai máis porcallada. Plásticos, latas ferruxentas, pneumáticos, lavadoras... Os animais, como a garza, o salmón, a lamprea, a troita, o parruliño, a libeliña, a lontra ou a donicela estanse afacendo a vivir con todo isto, pero unha masa verde e fedorenta remata coa súa tranquilidade. Dona Landra, que estaba no seu carballo, voando a fume de carozo terá que averiguar quen é ese periogoso monstro. Dona Landra no Río Revolto é un álbum, escrito e debuxado por Alberto Varela Ferreiro, que aborda o tema da contaminación nos ríos. Ferreiro continúa así a serie de álbums ecoloxistas protagonizada por Dona Landra, iniciada o pasado ano con Dona Landra contra a Lapa.

Colección

Merliño
Código

1343198
I.S.B.N.

978-84-9782-979-3
Publicación

01/04/2009
Clasificación IBIC

YFU
Formato

Papel
Páxinas

40
Tamaño

21 x 18.7 cm

Autor

Alberto Varela Ferreiro

Alberto Varela Ferreiro é ilustrador, licenciado en Belas Artes pola Universidade de Barcelona na especialidade de Deseño. Actualmente traballa como deseñador gráfico, participa en exposicións e realiza traballos de fotografía dixital e vídeo. Colaborou na súa etapa universitaria en fanzines e revistas como «A Ameixa Cacofónica», «Taka de Tinta», «Gaudeaumus» ou «Trilateral», e logo na revista «Golfiño» (Xerais 2000-2001), onde publicou páxinas do seu heroe Xeixas Jhonson. Foi gañador de diversos certames de deseño e ilustración, como o 1º premio do concurso de cómic da Universidade Politécnica de Catalunya, o Premio Continuará da Facultade de Sant Jordi ou o Premio Curuxa do Museo do Humor de Fene. En Xerais, como autor-ilustrador ten publicados na colección Merlín tres volumes da súa serie infantil «Anamarciana»: «Anamarciana» (2000), «Anamarciana. Vacacións en Europa» (2003) e «Anamarciana no Planeta Vermello» (2005), e tres álbums na serie Merliño centrados na problemática ecolóxica e medioambiental: «Brrumm-Brrumm» (2004), «Lume!» (2007) e «Dona Landra no Río Revolto» (2009). En banda deseñada publicou «Ulf de Jakobsland. Os viquingos en Galicia» (2018), «Wolfram» (2020) e «Plus Ultra. Transición ao futuro» (2022).

Ver ficha