María Lorenzo Miguéns (Tarrío, Dodro, 1986) é licenciada en Comunicación Audiovisual e na actualidade cursa estudos para a obtención do Grao en Mestre de Educación Primaria. Como narradora obtivo en 2001 un accésit no certame Contos para a mocidade de Ourense por «Cabalos azuis» (editado pola Xunta de Galicia en 2002) e en 2007 un accésit no Premio Carlos Casares de microrrelato coa peza «O limoeiro».