Feministas galegas. Claves dunha revoluciónen marcha de Mónica Bar Cendón pretende mostrar o papel do feminismo na consolidación democrática e como se foron filtrando os seus postulados ata formar parte dos asuntos de Estado na actualidade.
Feministas galegas. Claves dunha revoluciónen marcha de Mónica Bar Cendón pretende mostrar o papel do feminismo na consolidación democrática e como se foron filtrando os seus postulados ata formar parte dos asuntos de Estado na actualidade. Tanto as feministas da transición, herdeiras da revolución cultural do 68 e dispostas a darlles a volta ás súas vidas en defensa da coherencia ideolóxica, como as dos anos 2000 decataríanse de que "facerse feminista" implicaba chocar cun mundo remiso aos cambios e ao relevo no poder. O cuestionamento da vida das feministas comezaba co propio corpo e debía tirar abaixo a primeira estrutura represiva para a muller: a familia e as cadeas conxugais. Implicaba desvincularse do mundo íntimo, sentimental, para abrirse camiño ao público, ao da razón, ao da xustiza, seguindo como un grito de guerra o lema da norteamericana Kate Millett: "o privado é político". Incomprensiblemente negado, o movemento feminista propiciou probablemente os cambios sociais máis profundos levados a cabo durante a transición política. A determinación das feministas de tomar por xustiza o mundo público masculino desencadeou unha fonda batalla interna e externa que conseguiu deixar sinal. Nesta obra coral, Mónica Bar "dálles a voz" ás protagonistas da historia e abre canles polas que poidan discorrer novas investigacións e reflexións sobre o feminismo, imprescindible para a sociedade contemporánea.
Colección
CRÓNICA
Código
1345112
I.S.B.N.
978-84-9914-079-7
Publicación
22/02/2010
Clasificación IBIC
JFFK
Formato
Papel
Páxinas
392
Tamaño
24.5 x 17 cm
Autor/a
Mónica Bar Cendón
Mónica Bar Cendón (Vigo, 1962), licenciada en Filoloxía Hispánica e DEA en Teoría da Literatura pola UNED, é especialista en Igualdade e Impacto de Xénero. Ademais é titulada en Interpretación polo Instituto do Teatro de Sevilla e posgrao no Estudio de Carlos Gandolfo, de Bos Aires. No ámbito do feminismo, igualdade e violencia de xénero participa en múltiples publicacións e foros académicos, como demostra a súa colaboración habitual na Festa da palabra silenciada desde 1993, con artigos, contos e recensións teatrais e cinematográficas, ou a publicación do ensaio titulado "Escritoras Dramáticas Gallegas: Dramaturgia de la subversión" na Breve historia feminista de la literatura (vol. VI, 2000). Como tradutora verteu ao galego Canon de alcoba, de Tununa Mercado (Xerais, 1999) e A pedra angular, de Emilia Pardo Bazán (Xerais, 2003). Ademais, redactou o prólogo de Xeo e lume, de Andrea Dworkin (Xerais, 2001); realizou o estudo literario de Non o abras como unha flor, de Mª Xosé Queizán (Xerais, 2004), e publicou o conto "O rosario na tarteira", incluído no volume Narradoras (Xerais, 2000). En 2010 publícase o seu poemario Amor sacrílego e a obra Feministas galegas. Claves dunha revolución en marcha (Xerais, 2010).