O xenio da Cidade do Sal

Autor/a : Fina Casalderrey, Luís Soto
Ilustrador/a : Xosé Cobas

Que pasaría se Mozart visitase Galicia nunha das súas múltiples viaxes por Europa? Unha aventura fantástica que nos descobre a personalidade e a obra do xenial compositor.

Tendas

Sinopse

«Se che contan que estou tolo, que me divirte moito falar de porcalladas escatolóxicas, ou se che din que me pega a risa por calquera parvada, non lles fagas caso, caca podre! Simplemente, son un xenio.» Ese xenio é Mozart e ten 12 anos en 1768. Con este relato de misterio e aventura, Fina Casalderrey proponnos coñecer a figura do xenial compositor a través dunha viaxe polo Camiño de Santiago ata chegar a Galicia. O libro contén un CD, coordinado e interpretado polo frautista Luis Soto, con cuartetos de Mozart para frauta e trío de cordas que dialogan coas músicas tradicionais galegas.

Colección

De 10 anos en diante
Código

1384083
I.S.B.N.

978-84-1110-002-1
Publicación

18/11/2021
Clasificación IBIC

AVH
Formato

Papel
Páxinas

176
Tamaño

19.5 x 13 cm

Colección

SOPA DE LIBROS
Código

1377619
I.S.B.N.

978-84-1110-028-1
Publicación

18/11/2021
Clasificación IBIC

AVH
Formato

ePub

Autor

Fina Casalderrey

Fina Casalderrey (Xeve, Pontevedra, 1951) é mestra e escritora cunha ampla obra escrita para nenos e mozos. É membro da Real Academia Galega. Para o público infantil publicou, entre outras: «Dúas bágoas por Máquina» (Xerais 1992), novela, premio Merlín de Literatura infantil 1991; «A noite dos coroides» (1993), novela; «Chamizo» (Xerais 1994), novela; «¡Asústate, Merche!» (Xerais 1994), novela; «O misterio dos fillos de Lúa» (1995), novela, Premio Barco de Vapor 1995 e Premio Nacional de Literatura Infantil e Xuvenil 1996; «O estanque dos parrulos pobres» (1996), novela, premio Edebé de Literatura Infantil 1996; «Prohibido casar, papá!» (1996), novela, Lista de The White Ravens 1998; «¡Puag, que noxo!» (1997), conto; «Podesvir» (1997), conto; «Unha raíña negra» (1998), conto; «Cuca e o abrigo marrón» (1998), conto; «Nolo e os ladróns de leña» (1998), conto; «Ás de mosca para Anxo» (1998, Xerais 2002), novela; «Pimpín e dona gata» (1999), conto; «O misterio do cemiterio vello» (1999), novela; «Unha pantasma branca» (2001), conto; «O avó é sabio» (2002), conto; «O avó sae de paseo» (2002), conto; «A avoa non quere comer» (2002), conto; «A avoa ten unha menciña» (2002), conto; «Derradeira carta ós Reis Magos» (Xerais 2002), conto; «Eu son eu» (Xerais 2004), conto; «¿Quen me quere adoptar?» (Xerais 2005), conto; «O meu avó é unha gata» (Xerais 2005); «A lagoa das nenas mudas» (Xerais 2007), novela; «A Pomba e o Degolado» (Xerais 2007), novela; «¿E ti que farías por min?» (Xerais 2010), conto; «Un saco de estrelas» (Xerais 2010), conto; «O misterio do Faro Vello» (Xerais 2012), novela. Premio Irmandade do Libro á Autora do Ano, 2006; «Historia da bicicleta dun home lagarto» (Xerais 2014) e «O xenio da Cidade do Sal» (Xerais 2021). É coautora, xunto con Marilar Aleixandre, de «María Victoria Moreno. A muller que soñaba moito e durmía pouco» (Xerais 2018). En 2019 publica o álbum, ilustrado por Lucía Cobo, «A furgoneta branca» (Xerais 2019). «A Muller Xabaril» (Xerais 2023) é a súa primeira novela na colección Narrativa.

Ver ficha

Autor

Luís Soto

É o coordinador do CD «Mozart á Galega» que acompaña o libro de Fina Casalderrey «O xenio da Cidade do Sal» (Xerais 2021). Mozart á Galega e o resultado dunha frauta de finais do século XIX atopada nun anticuario e de un soño: que sucedería se Mozart visitase Galicia nunha das súas múltiples viaxes por Europa? Que pensaría do Alalá das Mariñas? Luis Soto nace en Guláns (Ponteareas) e comeza a tocar unha frauta feita polo seu pai cun tubo de plástico con tan só 8 anos. Na súa formación interviñeron mestres do talle de Antonio Arias en Madrid, Pierre Dumail e Hubert de Villele en París, e J. C. Gerard e Aurele Nicolet en Alemaña. Gañou o primeiro premio do concurso Pierre Nerini e o segundo premio no Lucien Wumser. Ofreceu centos de concertos en todo o mundo, así como gravacións para radio, televisión e discos. Impartiu cursos de formación e perfeccionamento a mozos de todas as idades. Xunto co guitarrista Carles Trepat grava a integral de Joaquín Rodrigo para o selo EMI Clasic e, xunto a Diego García (piano) impulsa o proxecto Galicia XXI no que interpretan o repertorio galego para ambos instrumentos. Ademais, é membro fundador do TAC: Taller Atlántico Contemporáneo, ensemble de referencia da música contemporánea en Galicia.

Ver ficha