Chovida do ceo

Sinopse

Unha mañá de xuño aparece na praza da Quintana o cadáver espido dunha moza. Segundo o relato dunha testemuña, o corpo caera dende o alto da igrexa. O estraño caso será investigado polo escéptico comisario Salorio, que arrastra unha vida privada abondo complicada. Nunha cidade de forte carácter histórico e dirixida polas institucións que, no fondo, lle dan vida, Salorio verase obrigado a investigar tamén a unha parte importante da igrexa tras a desaparición do Codex Calixtino, a alfaia do patrimonio artístico da catedral. Chovida do ceo retrata de forma exquisita e divertida a Compostela do noso tempo. Neste novo caso do compostelán inspector Salorio, Alfredo Conde ofrece unha inesquecible novela do mellor xénero negro, tinguida de humor, sarcasmo e unha doce melancolía.

Colección

Narrativa
Código

1331352
I.S.B.N.

978-84-9914-654-6
Publicación

21/05/2014
Clasificación IBIC

FF
Formato

Papel
Páxinas

336
Tamaño

22 x 14.5 cm

Colección

Narrativa
Código

1378171
I.S.B.N.

978-84-9914-722-2
Publicación

21/05/2014
Clasificación IBIC

FF
Formato

ePub

Autor

Alfredo Conde

Alfredo Conde (Allariz, 1945). Mariño mercante. Dedicado ao xornalismo literario, colabora actualmente con El Correo Gallego. A súa obra narrativa está traducida a diversas linguas. En 1968 apareceu o seu primeiro libro, o poemario Mencer de lúas. Como narrador publicou, entre outras obras, Mementos de vivos (1974), relatos; O contubernio (1978), novela; O barco é do amo (1978), novela; Breixo (Xerais 1981), novela, Premio da Crítica Española e Premio da Crítica de Galicia; Memoria de Noa (Xerais 1982), Premio Chitón de novela e Premio Ícaro; Xa vai o Griffón no vento (1984; Xerais 1998), Premio Blanco Amor de novela, Premio da Crítica Española, Premio Nacional de Literatura, Premio Grinzane Cavour á mellor novela estranxeira publicada en Italia en 1990; Una conversación en la Habana (1989), longa entrevista con Fidel Castro; Música sacra (1989), contos; Los otros días (1991), Premio Nadal de novela; Sempre me matan (1995), novela; A Casa de Adara (Xerais 1996), relatos; O fácil que é matar (Xerais 1997), novela; Azul cobalto (2001), novela; Memorias dun soldado (2002), novela; Ósos de santo (2010), novela; Chovida do ceo (Xerais 2014) novela e O beato (Xerais 2016), Premio Ateneo de Valladolid 2015.

Ver ficha

Sinopse

Alfredo Conde

Sobre a colección Narrativa