26.10.2023
(Case) corenta novelas para unha historia recente da narrativa galega
Non se entende a literatura galega dos últimos anos sen os Premios Xerais. Esta fin de semana celebramos no Parador de Baiona unha nova festa de entrega dos premios, que este ano recoñecen a novela Ninguén contará a verdade, de Pedro Feijoo; a novela xuvenil Furia, de María Reimóndez, e a obra infantil A botella de lentellas, de Leticia Barbadillo. Por iso queremos recordar algunhas das novelas e das autoras e autores premiados ao longo destes anos.
